இப்புனித வேதநூலானது கொல்லம் ஆண்டு 1016, கார்த்திகை மாதம் 27-ம் தியதி இப்பூமியில் இறைவனால் அருளப்பட்டது. இப்புனித வேதநூலில் உலகம் தோன்றியது முதல் குரோணி என்ற அசுரன் தோன்றி அநியாயங்கள் செய்த போது மகாவிஷ்ணு தானே குரோணியை ஆறு துண்டுகளாக வெட்டி உலகில் தள்ளியதும், ஒவ்வொரு யுகங்களிலாக குண்டோமசாலி, தில்லைமல்லாலன், மல்லோசிவாகனன், சூரபத்மன், இரணியன், இராவணன், துரியோதனன் என கொடிய அசுரர்களாகப் பிறவியெடுத்து அநியாயங்கள் செய்தபோது மகாவிஷ்ணு தானே நரசிம்மராக, கந்தனாக, வாமனாக, ராமராக, கிருஷ்ணராக அவதாரங்கள் எடுத்து அந்த அசுரர்களை அழித்தது போல் கலியுகத்தில் கலியனை அழிக்க வைகுண்டராக அவதரித்து செய்த காரண காரியங்களை மகாவிஷ்ணு அம்மை மகாலெட்சுமிக்கு விளக்கி கூறுவதை தமிழ்பாடல் வடிவில் இறைவனால் அருளப்பட்டுள்ளது. இப்புனித அகிலத்திரட்டு வேதாகமத்தின் பெருமையை உலகறிய செய்ய நடைபெறும் இப்புனித யாத்திரையில் தாங்கள் கலந்து கொண்டு ஆண்டவர் வைகுண்டரின் திருவருள் பெற்று செல்ல வருக வருக அன்புடன் அழைக்கிறோம்!